Trein van voorspoed mits dié bedryf wikkel

Posted On Wednesday, 06 July 2005 02:00 Published by eProp Commercial Property News
Rate this item
(0 votes)

Ekonome is dit eens dat die Suid-Afrikaanse konstruksie- en ingenieursektor 'n goue tydvak binnegaan mits die bedryf sy uitdagings te bowe kan kom.

Abri du PlessisEkonome is dit eens dat die Suid-Afrikaanse konstruksie- en ingenieursektor 'n goue tydvak binnegaan mits die bedryf sy uitdagings te bowe kan kom.

Dié siening volg op die lank verwagte bekendmaking van die gekose bieër vir die reuse-Gautrein- projek die afgelope naweek. Die projek, wat aan die Bombela-konsortium toegeken is, kan die konstruksielandskap dramaties verbeter en 'n kernrol speel om ekonomiese groei aan te wakker.

Mnr. Pierre Blaauw, ekonoom van die Suid- Afrikaanse Federasie van Siviele Ingenieurs (Safcec), sê al kan dié projek die afwaartse neiging van die afgelope tien jaar in die konstruksiebedryf omswaai, sal die tekortkomings blootgelê word.

Hy meen die positiewe uitwerking sal nog nie op kort termyn sigbaar wees nie, maar eers van aanstaande jaar groeisyfers positief bë?nvloed.

"Ons raam reële groei tot einde vanjaar op tussen 5% en 6%. Die uitwerking van die Gautrein- projek kan lei tot groei van meer as 10% in 2006 en 2007," sê hy.

Die grootte van die kontrak, asook ander konstruksie- en ingenieursverwante projekte in die vooruitsig soos Eskom en Transnet se opgraderingsprojekte, kan die vraag na kundige vaardigheid en voldoende boumateriale onder druk plaas.

Blaauw sê veral die tekorte aan swart spesialiste in die ingenieursbedryf en materiale wat hoog in aanvraag gaan wees, kan inflasionêr wees omdat koste sal opskiet en lewering getoets sal word.

Verder kan spesialiste uit die buiteland ingebring word, asook kundiges wat die land verlaat het. Dit sal geld kos, sê hy. Hy meen egter die bedryf kan dié uitdagings te bowe kom.

Mnr. Abri du Plessis, beleggingshoof van Gryphon Batebestuur, beskou dié soort kontrak as 'n normale bedrywigheid vir enige ontwikkelende land waar die gebrek aan infrastruktuur aandag kry.

Beter infrastruktuur het lank in Suid-Afrika agterweë gebly en die Gautrein-projek is die ideale grondslag om infrastruktuur-ontwikkeling 'n hupstoot te gee.

Hy sou graag meer van dié projekte in ander stede, onder meer Durban en Kaapstad, wou sien.

Du Plessis sê infrastruktuurbesteding is 'n katalisator vir ekonomiese groei, soos die reuse-groei in China toon.

Mnr. Paul Mashatile, Gautengse LUR vir finansies en ekonomiese sake, sê die projek sal Gauteng se bruto binnelandse produk (BBP) met tussen
0,7% en 1% opstoot. Gauteng dra 33% tot die nasionale BBP by.

Last modified on Saturday, 19 October 2013 03:35

Most Popular

Pam Golding Properties Annual Residential Property Report 2019

Nov 08, 2019
SA Reserve Bank
Signs that the residential property market is beginning to stabilise.

Rebosis Property Fund retail portfolio delivers excellent operational performance despite a tough market

Nov 11, 2019
Sisa Ngebulana REBOSIS
Rebosis Property Fund, the JSE’s first listed black-managed REIT, today reported its…

Massive property auction on behalf of Telkom

Nov 11, 2019
Agricultural Land Beaufort West
GoIndustry DoveBid SA (GoIndustry) is hosting a massive property auction on behalf of…

SA REITs featured among the JSE’s most empowered companies

Nov 08, 2019
Estienne de Klerk SA REIT Chairman
In order of most empowered, the REITs are: Arrowhead Properties, Redefine Properties,…

African Union for Housing Finance (AUHF) Cape Town declaration provides 5 point plan for african governments to address housing finance shortage

Nov 14, 2019
African Union of Housing Finance
Following the successful completion of their 35th Annual Conference, the members of the…

Please publish modules in offcanvas position.